KíKir

Bókin 아이슬란드 사람들은 왜 행복할까 (Íslenska leiðin til hamingju) kom út í Suður Kóreu nú í vor. Hye, stofnandi Kíkis skrifaði bókina. Bókin fjallar um íslenska náttúru, samfélagið, sögu og menningu á Íslandi. Fjallað er um náttúrufyrirbæri eins og mosa, jarðhita og fleira. Staðir sem Hye heimsótti á hringveginum eins og; Ásbyrgi, Flúðir, Seyðisfjörður, Akureyri, Snæfellsness fá umfjöllun og Reykjavík kemur mikið við sögu. Í umfjöllun um menningu og heimilislífi eru m.a. kór, samsettar fjölskyldur, hjónaband/sambúð/fæðing utan hjónabands, samfélagsstaða samkynhneigðra. Efnahagshrunið 2008 kemur við sögu, sérstaklega með tilliti til þess hvernig samfélagið brást við og velferðakerfið stóð undir því álagi. Orðatiltæki og hugarfar eins og 'Þetta reddast', 'Nenni ekki' fá umfjöllun. Safnasafnið, listahátíðin Lunga og fleiri staðir voru heimsóttir, ekki síst sundlaugar. 

Bókin er gerð úr fjölda viðtala við fólk sem Hye heimsótti á árinu 2016 - fjölskylda, vinir, myndlistarmaðurinn Rúrí, leirlistakonan Kolbrún S. Kjarval og fyrrverandi útvarpsmaður Sigurður G. Tómasson hjálpa svo Hye að draga upp sanna mynd af Íslandi.